300 sinaturas recollidas en San Clodio para recuperar as frecuencias ferroviarias

O BNG lugo Sul fai balance da súa recollida de sinaturas e anuncia que este día 23 para conmemorar o Día de Rosalía farán unha ofrenda floral en Chantada. Será ás 17:30h, na Praza de Rosalía de Castro.

Ferrocarril concentración San Clodio BNG Lugo Sul / BNG Lugo Sul

Este pasado luns, día 21 de febreiro, O BNG Lugo Sul comezou unha campaña de recollida de sinaturas para acabar coa continua supresión de trens na estación de San Clodio, un servizo que cubría as necesidades da poboación das comarcas de Courel e Caldelas e mesmo do Val de Lemos.

O acto de protesta, desenvolvido ao longo da mañá, contou co apoio dunhas 300 persoas asinantes, demostrando deste xeito o rexeitamento que as medidas tomadas por RENFE provocan entre a veciñanza.

Recollida de sinaturas en San Clodio. Foto: BNG Lugo-Sul

Ante a boa acollida da iniciativa, desde o Bloque Nacionalista Galego en Lugo Sul, anuncian que continuarán coa campaña de recollida de sinaturas, polo que o vindeiro domingo, día 27, estarán toda a mañá en Quiroga. Habilitan tamén os medios técnicos precisos para que se poida asinar por internet.

DEIXAR UN COMENTARIO

Please enter your comment!
Please enter your name here