InicioPolíticaO BNG de Monforte leva a Pleno melloras para o servizo de...

O BNG de Monforte leva a Pleno melloras para o servizo de bus urbano

Esas melloras no servizo consisten na ampliación de rutas e modificación dos horarios actuais.

Publicado o

POR
Redacción
- Advertisement -

O pasado mes de xaneiro o goberno municipal do Concello de Monforte daba conta dos datos de utilización do bus urbano, cifras que “non sendo malas, son manifestamente mellorables”, refire o BNG monfortino.

Os nacionalistas lembran que no debate no Pleno onde se aprobou a concesión do bus urbano, dende o BNG propuxeran daquela que as rutas deberían abranguer máis territorio. En relación a esta ampliación falaban das Vivendas do Val de Lemos, O Casar, Chacinera, Rúa Ourense, o Polígono Industrial ou mesmo o mercado gandeiro para os días de feira. A resposta do Alcalde, José Tomé Roca, foi daquela segundo manifestan do BNG de Monforte “iremos vendo”.

Agora, volve o tema á axenda do BNG local alegando que “son moitas as persoas nos manifestaron a necesidade de que o bus urbano dea servizo ás zonas referidas, xa que sendo un servizo público e gratuíto, debería ser para toda a veciñanza”. Así as cousas, o concelleiro Emilio Sánchez defenderá no Pleno do vindeiro 28 de febreiro unha moción para “solicitar a ampliación de rutas e a modificación de horarios, sen que isto incumpra o contrato”.

Emilio Sánchez, concelleiro BNG Monforte. Foto: BNG

ÚLTIMAS

Afra Blanco: “A Feira do Viño de Quiroga é a primeira festa de Galicia que eu descubrín”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...