O BNG de Monforte leva ao pleno o fomento e planificación das
actividades deportivas ao considerar que educar no deporte é unha forma pedagóxica de inculcar prácticas saudables, tales como a utilización da bicicleta para os desprazamentos, “por exemplo na capital do municipio onde existen unhas características xeográficas óptimas para a práctica do ciclismo como deporte.”
Insisten en que se debe fomentar o deporte de base que é “o que nos asegura educar no deporte, tanto polos valores coma polos beneficios para a saúde”, lembra Emilio J. Sánchez, portavoz municipal do BNG na cidade do Cabe.