InicioPolíticaO BNG reclama no Parlamento o terceiro médico para Pantón

O BNG reclama no Parlamento o terceiro médico para Pantón

O grupo parlamentario do BNG rexistra unha pregunta reclamándolle ao goberno da Xunta que acate o mandato do parlamento e dote ao concello de Pantón do terceiro profesional médico.

Publicado o

POR
Redacción
- Advertisement -

O día 3 de febreiro o BNG levaba á Comisión 5ª do Parlamento galego unha proposición non de lei para que o concello de Pantón contara con todos os servizos sanitarios que precisa en igualdade de condicións con calquera usuaria/o de calquera outro lugar. Esta proposición saíu aprobada por unanimidade.

A pasada semana, o SERGAS emitiu un comunicado público no que dicía que nunhas semanas resolverían a situación coa contratación dun terceiro profesional para garantir que houbera 3 profesionais médicos a diario ao longo da semana. “Pasaron máis de 10 semanas e a atención en Pantón sigue a ser a tempo parcial, de feito, dende o propio SERGAS estase animando ás usuarias e usuarios a cambiarse de médico para, parece ser, xustificar a supresión desa terceira praza,” aseguran desde o BNG e califícano de falta de respecto da consellería cara o pobo de Pantón.

“Poderiamos repetir outra vez o argumentario xa esgrimido, segue a ser perfectamente certo, desgrazadamente a resposta da consellería vai ser a mesma, mentres o Partido Popular queda ben votando si á iniciativa, coa seguridade que dende a consellería nada se vai facer. Desta maneira, os servizos á poboación, como en tantos outros casos, quedan en último lugar”, conclúen.

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...