InicioPolíticaOs socialistas de Pantón denuncian "a caótica situación" do centro de saúde

Os socialistas de Pantón denuncian “a caótica situación” do centro de saúde

Os socialistas de Pantón denunciaron "a caótica situación sanitaria que padece a veciñanza da vila, tras comprobar in situ no centro de saúde a falla de médicos e que se cancelen as citas médicas previstas para esas xornadas."

Publicado o

POR
Redacción
- Advertisement -

Dende a Agrupación Socialista de Pantón advirten que esta situación está afectado gravemente aos doentes, “xa que o facultativo que ten que atender aos pacientes nas quendas dos martes e os xoves, ás veces non pode asistilos, pero aos veciños non se lles informa da cancelación da súa cita médica, e polo tanto ata que chegan ao centro de saúde non saben se van a ser atendidos ou non”, denuncian os socialistas.

Critican ademais que esta situación “vense dando dende fai varias semanas, sen que ninguén poña unha solución a este asunto. Por parte do Alcalde e do Goberno local xa non esperamos nada, pero polo menos que teñan a decencia de preocuparse pola situación sanitaria dos seus veciños e trasladen estas queixas á Conselleira de sanidade, para rematar con esta incompresible situación”, din dende o PSdeG.

Ademais lembran o compromiso do PP, do Alcalde e da Conselleira de Sanidade para cubrir a terceira praza médica no centro de saúde, “que a día de hoxe segue sen cubrirse. Estamos absolutamente esquecidos polo goberno da Xunta” e insisten, “para nós a sanidade é unha prioridade e queremos unha solución para as carencias sanitarias do noso centro de saúde. Goberno do PP, fagan algo e móvanse”.

ÚLTIMAS

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...

O PP de Monforte acusa a Tomé “de tapar os problemas de abastecemento con bombas de fume como a supresión dos pasos a nivel”

A voceira do PP de Monforte, Katy Varela, tras ver como que as parroquias...