HomePolíticaO PP solicita por vía urxente ao Goberno central a declaración de...

O PP solicita por vía urxente ao Goberno central a declaración de zona catastrófica dos concellos afectados polos lumes

En atención a esta declaración como zona catastrófica, a iniciativa popular pide aplicar as medidas dispostas no artigo 24 da lei 17/ 2015, do 9 de xullo, que resulten convenientes para paliar os danos provocados polos incendios, en concreto nos concellos de Folgoso do Courel, Quiroga, A Pobra do Brollón e O Incio na provincia de Lugo e os que corresponden en Ourense.

Publicado o

POR
Redacción
- Advertisement -

O Grupo Popular rexistra unha iniciativa parlamentaria por vía urxente encamiñada a dirixirse ao Goberno central co obxectivo de declarar os concellos afectados polos lumes do mes de xullo, provocados por un fenómeno atmosférico extraordinario, como zona  catastrófica (zona gravemente afectada por unha emerxencia de protección civil, segundo a denominación normativa) e facelo o máis axiña posible, na busca da maior axilidade e da menor burocracia para a súa execución e execución das axudas e a restauración das zonas afectadas.

Entre estas medidas figura a concesión de axudas económicas a particulares por danos en vivenda habitual e aveños de primeira necesidade; axudas a establecementos industriais, mercantís, culturais e de servizos ou subvencións por danos en producións agrícolas, gandeira e forestais.

Tamén se contempla o que figura na lei como é realizar compensacións ás corporacións locais por gastos de actuacións inaprazables; subvencións por danos en infraestruturas municipais, hidráulicas ou mesmo aplicar medidas fiscais, laborais e da Seguridade Social.

Os deputados populares sinalan que o obxectivo é acadar a máxima implicación por parte das administracións, e contar co apoio do Parlamento de Galicia para continuar a liña iniciada pola Xunta de Galicia, que xa aprobou unhas axudas de emerxencia por valor de máis de 9M€ para que cheguen aos destinatarios en menos de tres meses. E, agora, indican os deputados populares, “o Goberno central debe tamén actuar no seu ámbito de competencias para apoiar esa recuperación.”

Na iniciativa parlamentaria pídese elaborar, o máis axiña posible, o informe sobre os danos producidos no territorio do Courel e Valdeorras e que o Goberno comunique aos concellos a súa decisión sobre a aprobación de medidas de axudas aplicadas, para as previsións orzamentarias municipais. Así mesmo, solicítase activar, de forma independente á declaración como zona afectada gravemente por unha emerxencia de protección civil, as axudas acordes ás características e necesidades do acontecemento, afrontar a recuperación e restauración dos impactos sobre as zonas danadas, levar a cabo a coordinación e seguimento das medidas creando unha comisión de coordinación e, no caso de que as axudas tivesen repercusións tributarias para os afectados, habilitar as correspondentes exencións totais para evitar a súa tributación nos impostos estatais

ÚLTIMAS

Obradoiro de adolescencia e contido online, este 9 de maio en Chantada

O Concello de Chantada organiza o 9 de maio no Auditorio Municipal de Chantada...

José Tomé Roca revalida a Secretaría Xeral do PSdeG de Lugo

Tomé Roca logrou 801 votos fronte aos 585 obtidos por Iván Castro, Deputado Provincial...

Case mil persoas participaron este domingo na XV Carreira Popular Concello de Monforte

O número de inscritos na XV edición da Carreira Popular de Monforte de Lemos,...