Desde Caurel Vivo afirman que levan anos denunciando que a Xunta de Galicia non cumpre co Courel en materia de medios de prevención, extinción e políticas forestais axeitadas. “Desde o Concello non se nos escoitou cando solicitabamos máis medios de prevención, mellor distribución de brigadas, máis puntos de carga de auga nin tan sequera tralos lumes se quixo lexislar para afastar os piñeiros dos núcleos. Tralos lumes, todo a veciñanza notou  as eivas e a neglixencia e falta de previsión e as súas consecuencias”, sinalan desde CV.

Agora esta formación política congratúlase de que a Comisión Europea teña en marcha un procedemento de infracción “pola falta de fixación de obxectivos de conservación suficientemente detallados e pola falta de medidas de conservación”, segundo detalla a Comisión Europea.

Sendo a Comisión Europea a que anunciou a apertura dun procedemento de infracción contra o Plan Director da Rede Natura elaborado pola Xunta, desde CV pregúntanse “se o PP do Caurel saíra de novo salvando a imaxe da Xunta ou apoiando as xentes do Courel.”