Estas listaxes son provisionais, pero segundo o BNG, non adoitan sufrir variacións, polo que temen que o centro de saúde de Escairón quedará sen un persoal facultativo estable.

O Concello do Saviñao ten unha poboación de pouco máis de 3500 habitantes e 200 km2. Conta neste momento con 3 médicas, 3 enfermeiras, 2 psx na capitalidade e 1 médica e 1 enfermeira máis no consultorio de Currelos. Este persoal xustifícase polas dimensións, a orografía e a media de idade da poboación do Concello.

“Dado o exemplo que temos en zonas veciñas pensamos que é probable que a escaseza de persoal facultativo se use como xustificación perfecta para deixar esta praza por cubrir ou para cubrila de forma ocasional o que entendemos que sería extremadamente prexudicial para manter a calidade asistencial. Dende o punto de vista laboral será tamén problemático porque incrementará as cargas para o persoal facultativo que quede”, insisten desde o BNG.

Os nacionalistas presentan unha proposición non de lei para debate en Pleno, e na comisión 5ª, ademáis de varias preguntas nas que se insta ao Goberno da Xunta a “dar cobertura estable a praza de persoal facultativo que quedará vacante no momento das incorporación dos traslados externos do ano en curso para garantir a calidade asistencial no Concello do Saviñao.”