Hai que ir a oficina de atención ó público de Aqualia .Horario? de 9 da mañá a 13.00 e de luns a venres. Esta é a mensaxe que se pode ler na porta do local.
Ante esta situación, Julia Rodríguez, voceira do PP de Monforte, pídelle ó alcalde local que leve a cabo as xestións oportunas para que Aqualia amplíe a tempo completo o seu horario de oficina.
Segundo os populares, no contrato rubricado a principios do século XXI entre a xestora de augas e o mandatario da época, a concesionaria comprometíase a ter aberta a súa oficina de atención ó público 8 horas ao día e non 4. Dende o PP consideran que se está a incidir nun incumprimento “fragante” que repercute nos usuarios e na calidade de prestación do servizo.
Julia Rodríguez e o seu equipo recoñecen que levan “formulado infinidade de iniciativas” instando ó goberno local a esixir a esta concesionaria o cumprimento estrito do contrato pero que todas acabaron sendo infructuosas por falta de vontade de José Tomé Roca.
Seguindo a liña de salientar os problemas con Aqualia, dende o PP lembran que esta empresa tiña que ter construído un parque acuático na cidade fai 16 anos e, sen embargo, non o fixo o que supón un “grave prexuizo” para os cidadáns
