As obras que se están a desenvolver na rúa Rof Codina de Monforte, están motivando as queixas da veciñanza. Segundo os nacionalistas non se entende o exceso de bolardos a ambos os dous lados do seu percorrido, “e menos cando a función destes podería ser perfectamente asumida por algunha papeleira e, sobre todo, árbores que humanizaran o entorno. Con todo, o que máis lle preocupa á veciñanza, é o chanzo de 5 cm que hai entre o firme da calzada, e o das beirarrúas nos pasos de cebra, algo que dificulta, e moito, o normal paso de cadeiras de rodas ou carriños de nen@s.”

Por este motivo, o concelleiro do BNG en Monforte de Lemos, Emilio Sánchez Iglesias, rexistrou no concello un escrito solicitando que non se acepte o remate das obras, ata que se solucionen estas deficiencias. Para o BNG a solución a estes problemas viría do deseño desta rúa como plataforma única, algo que, en palabras do concelleiro nacionalista: “non encaixa na mentalidade do alcalde, cunha concepción do urbanismo propia dos anos 70”