HomePolíticaO BNG Lugo Sul homenaxea o 18 de novembro a militantes históricos

O BNG Lugo Sul homenaxea o 18 de novembro a militantes históricos

O BNG na Comarca de Lugo Sul, celebra unha xuntanza en homenaxe ás/ós militantes históric@s, encadrada dentro dos actos de celebración do 40 aniversario da súa fundación.

Publicado o

POR
Redacción
- Advertisement -

O acto, no que se contará coa actuación musical de Alba María, desenvolverase no Centro Cívico do Malecón de Monforte, o vindeiro venres, día 18 de novembro, ás 19:00h, e será aberto ao público en xeral.

O BNG celebraba hai pouco máis dun mes o 40 aniversario da súa fundación, “unha data importante que nos serviu,” en palabras da Portavoz Nacional, Ana Pontón, “para demostrar que o BNG é un proxecto sólido, maduro, con raíces firmes e cargado de presente e de futuro”.

O acto central, desenvolvido no Frontón de Riazor, na Coruña, no mesmo
lugar no que hai 40 anos naceron como organización, foi un momento emotivo e esperanzador de cara ao futuro do nacionalismo galego. “Tócanos agora a nós, á Comarca de Lugo Sul, evidenciar que a ilusión e o traballo iniciado hai 40 anos, continúa intacto, e que mellor maneira para facelo, que celebrando unha xuntanza na que homenaxearemos @s militantes que, desde aquela, continúan traballando polo país desde dentro do BNG”, sinalan.

No acto intervirán, Rosana Prieto Florines, Responsábel comarcal do BNG, Xosé Lois Cortés, militante histórico do BNG na comarca, e Carme Aira, Deputado do BNG no Parlamento de Galiza. As persoas homenaxeadas recibiran un agasallo de agradecemento.

ÚLTIMAS

Doc Magoo’s: 25 anos de Rock and Roll

A banda de rocanrol Doc Magoo's percorreu un longo camiño desde os seus inicios...

Este 7 de xullo péchase a zona de xogos do Parque da Compañía

A primeira hora da mañá deste luns, 7 de xullo, procederase á realización de...

A campaña ‘Merca no teu comercio’ chega á Comarca de Quiroga

'Merca no teu comercio' chega aos concellos de Quiroga, Ribas de Sil e Folgoso...

Extinguido o incendio de Monforte que afectou a Seoane e San Xiao de Tor

A Consellería do Medio Rural deu por extinguido un incendio no municipio de Monforte...