InicioPolíticaO PP de Monforte leva a pleno a “lamentable situación” dos aparcadoiros...

O PP de Monforte leva a pleno a “lamentable situación” dos aparcadoiros públicos

O Partido Popular de Monforte presentará ao pleno do próximo luns, 28 de novembro, unha moción para solicita o arranxo dos aparcadoiros públicos do centro da cidade, que na actualidade aseguran, "presentan un estado de deterioro e abandono que dificulta o acceso e estacionamento dos vehículos e o tránsito dos peóns."

Publicado o

POR
Redacción
- Advertisement -

A portavoz popular, Katy Varela, denuncia na moción o estado que
presentan actualmente os aparcadoiros da Rúa Hortas, Rúa Conde e Rúa Xulio Camba, tres superficies de estacionamento público no centro de Monforte que están cheas “de enormes fochancas e pozas de auga que as fan intransitabeis e deterioran a imaxe da cidade”, subliña.

Katy Varela reclama ao grupo de goberno do Concello que cumpra coa súa obriga de manter e arranxar estes terreos privados de uso público, e que na actualidade teñen unha enorme demanda ao ser as tres zonas de aparcadoiro máis céntricas da cidade e na contorna do casco histórico.

A proposta alude de xeito especial ao aparcadoiro situado na céntrica Rúa Hortas, que na actualidade presenta un estado de enorme deterioro e difícil acceso. A voceira asegura que, segundo o contrato de arrendamento deste terreo firmado polo alcalde, José Tomé co propietario do mesmo, o Concello “ademais de pagar a renda pactada, comprométese segundo a cláusula segunda, a levar a cabo as reparacións necesarias no inmoble para cumprir coa función sinalada no contrato”.

Aparcadoiro rúa do Conde

Varela engade que o grupo popular recibiu abundantes queixas de usuarios
habituais destes estacionamentos, especialmente veciños procedentes de
parroquias próximas ao casco urbano de Monforte, que protestaron polo mal estado que presentan e polas irregularidades do terreo, que dificultan e
praticamente impiden a súa utilización “especialmente por persoas de idade avanzada”. Katy Varela reclama ao alcalde que cumpra coa súa obriga para manter de xeito adecuado este servizo para veciños e visitantes. “Se o alcalde presume dos orzamentos máis sociais o que ten que facer é manter e conservar en perfectas condicións este servizo de atención aos cidadáns de Monforte”, remata Katy Varela.

ÚLTIMAS

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...