“A Xunta non cumpre co Courel”, aseguran desde CV

C@urel Vivo denuncia que este luns abriuse unha barronca nun tramo da estrada LU-651 á altura de Ferrería Vella, que levaba anos recalcando, quedando agora un único carril para o tránsito de vehículos.

Barronca LU-651 / C@urel Vivo

Lembran desde C@urel Vivo que en marzo desde ano caía a estrada LU-651, preto de Santa Eufemia. Tras analizar varias fórmulas para arranxal escolleuse, segundo CV “a máis barata pero non a máis segura e duradeira, un treito de novo trazado na LU-651, a unha cota intermedia moi próxima á traza orixinal”.  

A Xunta licitou por case 1.000.000€ este acceso provisional que 4 meses despois xa presenta desperfectos, “sufriu gretas e socalcos” polo que cren que “a que se deseña máis abaixo, non é a mellor opción.”

acceso provisional / CV

O 1 de abril deste ano contratouse a mellora da estrada entre a Ferrería Vella a Seoane para arranxar no prazo dun ano, cun importe de case 3.000.000€, “a 4 meses de rematar o prazo, aínda non hai movemento de terras, polo que auguramos que incumpriranse os prazos,” lamentan desde C@urel Vivo.

Con etes antecedentes, CV presenta moción solicitando á Xunta que, “dunha vez por todas deixen de poñer parches e atrancos coas comunicacións do Courel e que cumpran con obras seguras e duradeiras. Moita marca para O Courel pero sen investimentos reais e axudas que quedan só nos titulares, pero o certo e que a Xunta de Galicia non está a cumprir con nós” conclúen.

 

DEIXAR UN COMENTARIO

Please enter your comment!
Please enter your name here