O informe refírese, segundo sinalan os populares, á tramitación dos contratos menores, á súa utilización e á existencia ou non de fraccionamento indebido destes contratos no 2021; ao procedemento de xestión e liquidación de taxas e prezos públicos, e tamén á tramitación e xestión das devolucións de ingresos indebidos. Igualmente, con respecto á xestión das caixas de efectivo do exercicio 2021.

Os populares aseguran que os informes da interventora, “son desfavorables e non estamos a falar de trivialidades, senón do incumprimento da lei no manexo dos fondos públicos”.

Insisten na gravidade dos contratos menores de obra, servizos e subministros. Neste caso, nos informes “analízanse aleatoriamente corenta dos 116 localizados, e, aparte do cúmulo de irregularidades que se poñen de manifesto na tramitación e contratación, está para nós o abuso que se fai deste tipo de contratos”.

O obxectivo deste pleno aseguran os populares, que é “que a alcaldía dea explicacións claras e convincentes, en relación con estes graves incumprimentos financeiros e que facilite a relación dos contratos menores cos seus correspondentes importes e adxudicatarios”.