InicioPolíticaC@urel Vivo denuncia irregularidades no padrón de habitantes do concello

C@urel Vivo denuncia irregularidades no padrón de habitantes do concello

C@urel Vivo denuncia ante a Oficina do Censo Electoral irregularidades no Padrón de habitantes do Concello de Folgoso do Courel. Aseguran que de maneira reiterada nos últimos meses se están a producir empadroamentos irregulares no concello.

Publicado o

POR
Redacción
- Advertisement -

Ao tratarse dun concello pequeno aseguran que é fácil comprobar que moitos destes “novos veciños non son tal, e non só non viven de maneira habitual no mesmo, senón que tampouco manteñen ningún tipo de vínculo con este territorio, o que nos fai pensar que se trata soamente de unha manobra política de cara as vindeiras eleccións municipais para as que faltan catro meses.”

C@urel Vivo asegura que cotexou máis de 30 persoas en situación irregular, algunhas empadroadas en actuais garaxes ou en casas situadas en diferentes localizacións polo Concello. “Queremos recordarlles a tódalas persoas que se están a empadroar de forma irregular, ben sexa por decisión propia ou por algún tipo de presión ou coacción; que está acción é sancionada segundo Real Decreto 1690/1986.” Lembran tamén que se vulnera o dereito da veciñanza do Courel á libre elección política, “xa que o empadroamento de xente que non fai vida no territorio desvirtúa a decisión real dos que aquí vivimos no reconto final das eleccións.”

C@urel Vivo solicita a estas persoas que se empadroen nos seus lugares de residencia e aseguran que se o INE non actúa con contundencia, barallan denunciar no Xulgado, “citando un por un, os casos que consideramos irregulares.”

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...