InicioPolíticaSober aproba un orzamento que prima "o gasto social e os servizos...

Sober aproba un orzamento que prima “o gasto social e os servizos públicos”

O rexedor destaca a aprobación duns orzamentos “realistas, que van permitir seguir mellorando servizos públicos e avanzar na calidade de vida dos nosos veciños e veciñas”.

Publicado o

POR
Redacción
- Advertisement -

O Concello de Sober aproba o orzamento para 2023 que ascende a 3.138.243 euros, nos que aseguran que prima o gasto social e os investimentos. O alcalde, Luis Fernández Guitián, pon en valor, ademais do carácter social destes presupostos, “que non se sobe ningún imposto nin taxa”. Destínase a Benestar Comunitario e Gasto Social arredor de 1.500.000 euros e a Educación, Cultura e Deporte, 450.000 euros.

O presuposto municipal conta con máis de 800.000 euros de investimento, incluídos fondos propios, o Plan Único e outras axudas da Xunta de Galicia. Máis de 350.000 euros irán destinados á mellora de camiños, cunha partida especifica destinada á limpeza de cunetas e sinalización. Tamén se contempla a rehabilitación e equipamento de dúas vivendas en Vilamaior e a humanización das Prazas de Lobios e Campo de Anllo. As contas recollen unha partida para a compra de terreos para un novo Punto Limpo e a continuación das escavacións en Proendos.

Lobios / Carlos Rueda

Entre as inversións tamén figura a ampliación da Gardería Municipal, a construción dun novo Punto Limpo, a mellora da Capela da Barca, a mellora dos parques infantís de Arxemil e Canabal, a ampliación da rede municipal de abastecemento ou o resembrado e novos bancos nos campos de fútbol de Sober e A Carqueixa. Mantense ademais as liñas de axudas para todos os niveis educativos; infantil, primaria, secundaria e universidade. O fomento do emprego conta cunha partida específica de máis de 75.000 euros.

ÚLTIMAS

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...

O PP de Monforte acusa a Tomé “de tapar os problemas de abastecemento con bombas de fume como a supresión dos pasos a nivel”

A voceira do PP de Monforte, Katy Varela, tras ver como que as parroquias...