HomePolíticaOs populares de Monforte non se esquecen dos danos ao castro e...

Os populares de Monforte non se esquecen dos danos ao castro e aos camiños de Chavaga

O Grupo Municipal Popular de Monforte preguntará no vindeiro Pleno ao Goberno Local polas medidas que ten tomado o Concello para reclamar a reparación dos danos ocasionados polos madeiristas.

Publicado o

- Advertisement -

Un ano despois da vaga de lumes que tanto dano fixo a Galicia e que tamén afectou ás terras de Lemos, sendo Chavaga un dos lugares afectados, quedan temas pendentes por resolver. Un deles, no caso deste lugar, é o da reparación dos danos ocasionados ao castro e aos camiños tras a retirada de madeira queimada polos madeiristas. Os populares instan ao Goberno Local a esixir un resarcimento por parte dos responsables e abren de novo o debate sobre a necesidade dunha ordenanza que regule a extracción de madeira dos montes do municipio a través de espazos públicos. Segundo se coñece, existe un borrador elaborado polo anterior goberno que non chegou a aprobarse e os populares pedirán retomar a aprobación dunha normativa nese sentido.

Segundo palabras da voceira municipal desta formación política, Julia Rodríguez: “despois de dous meses nin o señor Tomé nin o concelleiro de obras teñan tomado ningunha iniciativa ao respecto dos danos provocados pola maquinaria pesada tanto nos muros de pedra do propio castro coma nos camiños municipais e na ladeira do monte tal e como temos comprobado dende o Grupo Popular Municipal”.

a riqueza dos castros en monforte

O termo municipal de Monforte conta con numerosos castros como son, por exemplo: en Baamorto e Cinsa, Caneda, Fabeiro, Chavaga, Fiolleda, Marcelle, o de San Vicente (Monforte capital), os de Moreda, o das Nocedas, o da Parte, o da Penela, o do Cornao, os de Reigada, Rozavales, o Eivedo, Tor, Sindrán, a Vide, Vilamarín…

Moitos están sen catalogar e outros, seguramente sen descubrir e este feito favorece que sexan máis vulnerables á hora de sufrir danos, ás veces, irreparables. Precisamente, o castro de Chavaga “é un destes que non están á vista, pero que a memoria popular e mesmo a súa orografía rebelan a súa importancia e o seu tamaño”, explican dende o PP local.

ÚLTIMAS

O 27 de outubro abre a nova Piscina da Pinguela en Monforte de Lemos

Esta tarde, ás 19:00 h. tivo lugar a presentación oficial das novas instalacións da...

Sober retoma polo San Martiño as Festas do Carme, suspendidas polo incendio

O Concello de Sober retomará polo San Martiño, patrón das parroquias á que pertence...

Iago Suárez: “A Xunta utiliza a Ribeira Sacra como atrezzo, pero ignora a xente que vive nela”

O deputado do BNG, Iago Suárez, reclamou esta semana na Comisión de Cultura do...

O PP pide á Deputación que arranxe a LU-P-4112 en Pantón

Os deputados populares condenan “o mal estado” desta vía de titularidade provincial “o que...