InicioPolíticaO BNG reclama ao Goberno do Estado actuación urxente na N-120 entre...

O BNG reclama ao Goberno do Estado actuación urxente na N-120 entre Ourense e Valdeorras

Os nacionalistas piden mellorar o estado do firme e garantir a seguranza viaria do que é a principal vía de comunicación para milleiros de persoas nesta parte das provincias de Lugo e Ourense.

Publicado o

POR
Redacción
- Advertisement -

Néstor Rego lembra que a organización nacionalista ten rexistrado numerosas iniciativas no Congreso para que o Goberno actúe de maneira urxente para mellorar o estado do firme e, polo tanto, a mellora da seguranza viaria da estrada. “Os sucesivos gobernos do Estado, fosen do PP ou do PSOE, abandonaron esta infraestrutura durante anos en que foron incrementando o número de puntos negros e o número de fochancas” denuncia o deputado do BNG.

A frente nacionalista ten rexistrado emendas durante a tramitación dos tres últimos proxectos de Orzamentos do Estado para 2021, 2022 e 2023 mediante as que se reclamaba unha dotación económica específica e suficiente para acometer unha actuación integral na N-120, “mais os partidos que compoñen o Goberno do Estado, PSOE e UP, votaron sistematicamente en contra.”

O deputado nacionalista apunta a existencia de varios puntos negros na estrada que precisan dunha actuación inmediata, como entre os quilómetros 507 e 510, no quilómetro 442 en Biobra, nas proximidades da ponte de Augas Mestas; no Canaval, xusto antes de comezar a subir o Alto de Guítara, o traxecto entre Quiroga e A Pobra do Brollón, o tramo entre Monforte e Ferreira e, en especial, o tramo entre Campo Rairo e Canaval no Concello de Sober.

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...