O concello ourensán da Teixeira, pertencente á Ribeira Sacra da provincia de Ourese, é un dos máis despoboados e envellecidos na provincia, pese a que nos últimos anos rexistrou un pequeno aumento da poboación, cun censo actual de 313 persoas.
A promoción turística da zona nos últimos anos fixo que aumentase a demanda de vivendas para uso turístico, “sen que exista unha política pública que asegure que se rehabilitan casas baleiras e se adiquen ao alugueiro. As posibilidades son mínimas, incluso para persoas que viven na zona desde hai anos. A posibilidade de mercar unha casa antiga e rehabilitala é unha boa opción para segundas residencias, pero non para persoas traballadoras que non saben se quedarán na zona.”
O Grupo de Desenvolvemento Rural Sil-Bibei-Navea, entidade que xestiona os fondos europeos na zona, tiña convocada unha liña de axudas financiando ata o 90 % a compra e rehabilitación de vivenda, por parte de entidades locais, para dedicalas a vivenda social en réxime de alugueiro. O prazo finalizou o pasado 30 de xaneiro e a pesar do escrito presentado no concello por Podemos para participar nesta convocatoria, lamentan que desde a admistración local non se aproveitara esta oportunidade.