Pregúntanse desde Esperta Monforte cales son as competencias do concelleiro de deportes, “se as relativas ao ámbito deportivo as asume o alcalde.” As preguntas que Esperta Monforte quere plantexar son:
- Por que se fai un investimento de catro millóns de euros nunha reforma dunha instalación deportiva que non aumenta a funcionalidade ao anon habilitar máis pistas de xogo?
- Despois de investir 4 millóns de euros os clubs teñen que seguir dependendo das instalacións da Consellería para os seus adestramentos?
- Despois de agardar 40 anos por esta reforma imos hipotecar outros 40 anos sen pistas por facer unha reforma sen planificación previa?
- Considera o equipo de goberno máis prioritario este investimento que o de aumentar as prazas da gradaría municipal?
Segundo Esperta Monforte no proxecto non se aumenta a altura do Pavillón o que impedirá organizar competicións como o volei e preguntan se o equipo de goberno é consciente desta limitación. Preguntan tamén se se van instalar placas solares, por que as obras comezarán en abril cos clubs a piques que rematar as tempadas e se lles parece realista ter rematada a obra para finais de setembro?
Esperta Monforte insiste na falta de diálogo por parte do equipo de goberno ao negarlles a celebración da xuntanza para abordar estes asuntos.
