Lembra Varela que hai meses levaron a pleno a mellora do estado do campo da feira e que case un ano despois a situación segue sendo a mesma ou peor, “As naves seguen en estado de abandono; algunhas delas están practicamente en ruina e, aínda así, calquera pode acceder a elas, co conseguinte risco para a súa integridade física. O Concello sigue a utilizar este recinto como depósito de mobiliario urbano deteriorado e grava miúda”.

Os populares din que o pavimento dentro do campo da feira está totalmente deteriorado, o que resulta especialmente molesto porque é o acceso ao punto limpo de Monforte. Varela indica: “Hai fochancas profundas que dificultan a circulación dos vehículos dos veciños que levan alí os obxectos dos que se queren desfacer”. Di que “para o Partido Popular é unha prioridade a rehabilitación e impulso do recinto, sobre todo mellorar a imaxe da entrada do punto limpo”.