O Secretario Xeral dos socialistas na provincia, José Tomé Roca, asegurou que “Quiroga necesita e merece un goberno que ilusione ós veciños, que atenda as súas necesidades e que aproveite o potencial do concello para favorecer o seu desenvolvemento económico, e superar o parón que sufre o concello. Todo iso é o que ofrecemos dende o Partido Socialista”.
O candidato socialista explicou que quere gobernar “para rematar coas políticas clientelares e caciquís que practica o PP no noso concello, e ao mesmo tempo, vamos a traballar a reo cun proxecto de futuro para apoiar e impulsar iniciativas que contribúan a facer medrar ó noso concello, con diálogo, escoitando a todos os veciños e veciñas e colectivos, sen discriminación nin ditaduras políticas”.
Vicente Parra recalcou, “Carencias sanitarias, problemas nos centros educativos, sen alterativas no emprego… todo está abandonado e sen ningunha dirección. Temos que cortar este rumbo de decadencia e deterioro do servizos básicos, e cambiar de aires, con políticas e iniciativas feitas entre todos e todas, e que dean resposta ás demandas actuais da veciñanza”.
O Alcaldable socialista avanzou ademais que o número dous da lista é Antonio Marcos Prieto, veciño do municipio, “un militante comprometido, traballador e preocupado polos problemas da veciñanza, como demostra que hai pouco denunciou as graves deficiencias sobre o mantemento do CEIP de Quiroga”.
Vicente Parra Vizcaíno xa exerceu como Alcalde no seu pobo natal en Cordobilla (Badaxoz) durante catro anos. É Técnico Superior de Turismo e actualmente traballa como guía na Ribeira Sacra, onde é copropietario dunha axencia de viaxes. Dende os 16 anos participou en moitas iniciativas de índole cultural e sempre estivo comprometido con iniciativas progresistas, dende tódolos ámbitos.