HomePolíticaO PP de Monforte acusa a Tomé de usar electoralmente a renovación...

O PP de Monforte acusa a Tomé de usar electoralmente a renovación da rede de auga

Os populares reuníronse con veciños da parroquia de Chao do Fabeiro, que comunicaron "sofren as consecuencias do mal estado da rede de abastecemento; tal e como ocorre na maioría das parroquias".

Publicado o

POR
Redacción
- Advertisement -

A candidata do PP á alcaldía de Monforte, Katy Varela, desenvolve o seu programa de encontros con veciños dos distintos barrios de Monforte, co obxectivo de coñecer de primeira man os problemas que sofren e as súas inquedanzas. Despois destas xuntanzas a aspirante popular avoga pola renovación de infraestruturas que, “na actualidade, polo seu mal estado, son unha fonte de molestias e dificultades, como é o caso do abastecemento de auga.”

Varela lembra que un dos aspectos da xestión municipal que máis critica o PP de Monforte é a falta de ecuanimidade no reparto dos recursos. Sinala: “É recorrente a nosa denuncia de barrios e parroquias que se atopan nun estado alarmante de abandono, tanto en servizos básicos, como o saneamento ou abastecemento, como en investimentos urbanísticos”.

Katy Varela considera “intolerable que despois de vinte anos na corporación municipal, o alcalde non priorizara a solución aos problemas no subministro de auga e que, agora que se achegan as elección locais, anuncie obras de abastecemento e saneamento que xa prometeu no 2020 e que, tres anos despois, están sen executar”.

No PP destacan que os veciños de Chao do Fabeiro, do mesmo xeito que os doutros barrios, como O Casar ou a Estación, “sofren continuos cortes de auga polo mal estado das tubaxes.”  Katy Varela di que “ademais hai notables deficiencias en canto ás vías de comunicación, o que se traduce na existencia de gran número de fochancas”. Aseguran que os veciños da parroquia de Fabeiro botan en falta un maior investimento no arranxo de camiños e melloras na cobertura móbil.

ÚLTIMAS

O 7 de xullo celébrase a I Festa Interxeracional Concello de Chantada

A Festa terá lugar o 7 de xullo no pavillón do colexio Eloisa Rivadulla....

Martín Alemparte, anterior xerente do GDR Ribeira Sacra-Courel, toma posesión como director da AGACAL

O acto desenvolveuse no complexo administrativo de San Caetano. Durante a celebración a conselleira...

Luisa Villalta segundo Olga Novo, este 31 de maio en Quiroga

A relatora será a profesora, escritora e tradutora da Pobra do Brollón, Olga Novo;...

Formación en cestaría para a Asociación As Cavarcas do Incio

Dende As Cavarcas destacan a importancia de que a institución provincial, a través da...