HomePolíticaReaccións do BNG de Pantón ante as últimas diferenzas locais

Reaccións do BNG de Pantón ante as últimas diferenzas locais

Os nacionalistas responden ás últimas comunicacións públicas do alcalde, José Luis Álvarez, en relación á sentenza das traballadoras do SAF e á subvención da Deputación Provincial.

Publicado o

POR
Redacción
- Advertisement -

Un dos temas obxecto de diferenzas entre alcalde e BNG de Pantón é o recoñecemento por vía xudicial para as traballadoras do Servizo de Atención no Fogar dunha xornada laboral de 37 horas e media en lugar das 40 actuais. Os nacionalistas aplaudiron o fallo xudicial do xulgado do social número 1 de Lugo –sentenza recorrible aínda– e o alcalde, reaccionaba afirmando que as traballadoras do SAF “están tranquilas co concello” sinalando ademais que non había ningún conflito e que “a denuncia da CIG nace dalgunha persoa que quere desestabilizar ao persoal, pero as traballadoras estanme chamando que non están de acordo con estas queixas”. O alcalde insiste en que as traballadoras non chegan ás 37 horas semanais, “como se recolle nos seus partes de xornada laboral”.

Pola súa banda, o BNG de Pantón, fixo un comunicado de réplica afirmando que de manterse firme este fallo abriría a porta ás lexítimas reclamacións individuais das traballadoras e que o actual rexedor debería dar explicacións públicas e detalladas da sentenza e das consecuencias económicas que terá para as arcas municipais, “así como explicar por que non se chegou a un acordo antes”.

Tras analizar a sentenza, dende o BNG din tamén que “están a avaliar que accións se poden levar a cabo, de cara a evitar males maiores, porque non podemos esquecer que nas bases do proceso de consolidación o actual alcalde insiste en cambiar a xornada laboral deste colectivo de luns a domingo, cando hai tamén unha sentenza firme na que se declara esta de luns a venres”

O outro asunto discrepante é o da perda dunha achega da Deputación de Lugo para arranxar o acceso á piscina municipal a través do Plan Único. O alcalde asegura que a culpable desta situación é a empresa adxudicataria, á que se lle rescindiu o contrato por incumprimento e o tema levarase agora ao xulgado. Lamenta o rexedor que a oposición non o apoiara para recuperar a subvención coa Deputación.

O BNG de Pantón asegura que a relación podería ser outra se o concello informase á oposición das xestións que fai. “Cando soubemos da perda, os cartos xa eran irrecuperables desde o punto de vista legal e administrativo porque aparecía na documentación da Deputación xa neste 2023. O alcalde fai ver que a recuperación orzamentaria dun ano anterior é posible, cando non o é e espera colaboración cando non nos informa de temas importantes para o concello e despois traslada aos medios que non apoiamos”, afirma RosaAna Prieto, voceira do BNG pantonés.

ÚLTIMAS

A Asoc. Rechouchíos de Taboada creará un fondo de traxe tradicional galego

O Presidente da Deputación da Lugo, José Tomé Roca, vén de asinar un convenio...

Do 5 ao 10 de agosto Monforte celebra a XXIV edición de Artelemos

O Concello de Monforte vén de presentar o cartel anunciador e o programa da...

O BNG levará ao pleno provincial a demanda de mellora das infraestruturas e da xestión do regadío do Val de Lemos

O BNG buscará o acordo do pleno provincial para reclamar á Confederación Hidrográfica, ao...

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...