Conde acompaña a Katy Varela nos encontros con empresarios e gandeiros de Monforte

A candidata popular á alcaldía de Monforte, Katy Varela, segue desenvolvendo a súa axenda de reunións con colectivos monfortinos, para coñecer en primeira persoa os seus problemas e as súas propostas. Nesta ocasión o encontro foi con empresarios da zona de Castelo e responsables de explotacións agrarias, contando coa asistencia do conselleiro de Economía, Industria e Innovación), Francisco Conde.

Katy Varela / PP Monforte

Segundo Katy Varela, nestes encontros, ela e o seu equipo escoitan aos veciños e representantes dos sectores produtivos, culturais e deportivos da cidade, para recoller as súas propostas e suxestións para o programa electoral. Destaca a presenza de Francisco Conde nesta reunión con representantes do tecido empresarial, no que participaron empresarios da zona do Castelo e gandeiros do municipio, así como representantes da Agrupación de Interese Económico Ribeira Sacra, colectivo de recente creación, con sede na cidade do Cabe, que pretende asesorar e cooperar con empresas e novos emprendedores.

Durante a reunión, “ademais de poñer en valor o traballo do sector primario e empresarial da cidade de Monforte, destacouse a urxencia de mellorar as infraestruturas de acceso á cidade. Abordáronse asuntos como o arranxo da N-120, a execución da A-76 e a conclusión da ligazón da N-120 co Porto Seco, ademais de incrementar as conexións ferroviarias”, sinala Varela.

Pola súa banda, Francisco Conde expresou a súa disposición para apoiar desde a Xunta de Galicia a posta en marcha de novas iniciativas empresariais que se leven a cabo no municipio. No encontro destacaron a importancia de desenvolver o turismo como motor económico. Neste punto, Katy Varela considera que non existe unha adecuada xestión turística por parte do Concello de Monforte.

DEIXAR UN COMENTARIO

Please enter your comment!
Please enter your name here