InicioPolíticaPontón: "Estamos nun concello que con Emilio na alcaldía será un Monforte...

Pontón: “Estamos nun concello que con Emilio na alcaldía será un Monforte novo, cun PXOM actualizado, cunha zona histórica rexenerada,…”

A portavoz nacional do BNG, Ana Pontón, asistiu á presentación de Emilio Sánchez Iglesias como candidato do BNG á Alcaldía de Monforte, ao que definiu como "sinónimo de coherencia, compromiso, entrega, traballo, coñecemento e ilusión".

Publicado o

POR
Redacción
- Advertisement -

A líder do Bloque deixou claro que Emilio Sánchez é “a aposta do BNG con experiencia e unha persoa que vai poñer sobre a mesa para construír un futuro mellor”. Referiuse á xenerosidade e dedicación que caracterizan a Emilio Sánchez, presentándoo como “a persoa idónea para dar pasos firmes cara a un concello máis humanizado e deseñado a medida das persoas”.

Ana Pontón aseguraba que falar de Monforte é falar de historia e patrimonio, pero tamén quere ser unha cidade moderna, adaptada aos tempos actuais, que aproveite a súa condición de capital da Ribeira Sacra. “Estamos nun concello que con Emilio na alcaldía será un Monforte novo, cun PXOM actualizado, cunha zona histórica rexenerada, con máis oportunidades económicas, con mellores servizos e un rural con posibilidades para as persoas. Tamén se apostará por un turismo sustentable, que coide e poña en valor o rico patrimonio histórico e natural do concello”.

“O BNG, onde goberna, demostra que ten un modelo municipal transformador que fai avanzar en positivo”, indicou a portavoz nacional. Pontón quixo tamén poñer de exemplo o modelo transformador do BNG en concellos como Ribadeo, Foz, Muras, Pontevedra ou Allariz e indicou que “Monforte merece un goberno que crea nas súas posibilidades e traballe para desenvolvelas como fará o equipo que forma a candidatura encabezada por Emilio Sánchez”.

“É o momento de poñer ás persoas no centro, de mellorar a vida dos galegos e das galegas, de atender ás súas necesidades e de comezar a construír o País que queremos, concello a concello”, destacou, manifestando que “é o momento do BNG, de Emilio Iglesias e do seu equipo para facer que Monforte avance a partir do 28M”.

Candidatura Emilio Sánchez presentación / BNG

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...