A candidatura do PP de Quiroga está formada por 14 persoas “que conxugan o compromiso, a responsabilidade polo municipio e as súas capacidades”. O alcaldable pediu a confianza na nova candidatura que incorpora “xente nova, xente que estivo vinculada á política e sobre todo xente que pode representar a todos os quirogueses”.
A lista está encabezada por José Manuel Pol, natural de Ribas de Sil e veciño de Campo de Vila en Quiroga, leva 35 anos á fronte da xestoría Rozas-Campos “que lle permitiu coller a experiencia necesaria para facer fronte a unha responsabilidade tan grande como é ser candidato á alcaldía de Quiroga”.
O número 2, 4, 5 e 9 recaen en Ana Lucía Nogueira Marcos, María Dolores Sánchez Durán, José Ángel Rodríguez Raposo e Pilar Diéguez González, actuais concelleiros “e que aportarán a experiencia política na toma de decisións.” Adrián González Losada e Raúl Carballedo Rodríguez ocupan os postos 3 e 8 respectivamente. Ambos pertencen ao mundo do deporte ao ser o primeiro adestrador do Quiroga F.C e o segundo, o presidente do equipo. O candidato destaca deles “o seu compromiso con Quiroga, co deporte e coa xuventude, pois impulsan valores como a disciplina, o esforzo e o respecto que axudan ao desenvolvemento das habilidades físicas e mentais dos membros do equipo”. Tamén hai presenza na lista de xente que representa a outros sectores como o rural, a sanidade, o emprendemento e os servicios socias.
Julio García Comesaña, pola súa parte, destacou o papel da sanidade galega durante “a proba máis dura que tivo nunca o Sistema Nacional de Saúde, que foi a pandemia da COVID”. Referiuse o responsable de sanidade a que o PSOE e o BNG votaron en contra dunha lei aprobada polo Parlamento de Galicia que permite a incorporación de médicos por concurso de méritos. “Esta lei permitirá convocar 21 prazas de especialista médicos sen oposición coa praza fixa no hospital de Monforte como mínimo por dous anos”, di o responsable da Sanidade do Goberno galego.
A candidatura dos populares en Quiroga queda así:
- José Manuel Pol González
- Ana Lucía Nogueira Marcos
- Adrián González Losada
- María Dolores Sánchez Durán
- José Ángel Rodríguez Raposo
- Andrés Campo García
- José Miguel González Lemos
- Raúl Carballedo Rodríguez
- María del Carmen Casanova Ferreiro
- Pilar Diéguez González
- Zaneta Voronicova
Como suplentes aparecen: Emilio Castro Pérez, Vicente Rodríguez Vila e María Josefa Álvarez Delpont.
