O secretario xeral do PSdeG na provincia de Lugo, José Tomé Roca, subliñou “o compromiso co seu pobo” que demostra José Manuel Gayoso ao liderar o proxecto socialista e comprometeuse co candidato a “traballar xuntos cando sexa alcalde”.
O candidato socialista quere facer O Páramo “máis moderno e competitivo e dotalo de todos os servizos, como merecemos”. José Manuel Gayoso remarcou que vai “colaborar con tódalas administracións públicas para conseguir o apoio institucional necesario e a financiación precisa para afrontar melloras dotacionais no concello, en todos os niveis, e contando sempre coa participación activa das asociacións do Páramo, tanto veciñais, de montes, culturais, deportivas, etc.”
“Solucionar os fallos no subministro municipal de auga, ofrecer máis servizos e alternativas aos maiores e á mocidade, o apoio ao sector primario e a mellora das comunicacións por estrada serán piares do programa electoral”, asegura Gayoso.
A candidatura socialista do Páramo está composta por:
- José Manuel Gayoso López
- Marcelina López Fernández
- María José López López
- José Antonio Vázquez Meilán
- Francisco Rodríguez López
- María José Luisa Ramona Valcárcel Fernández
- Manuel Pérez López
- Eliseo Fernández García
- Javier López Zolle
Suplente: Sara Fuenteseca Teijeiro
