Este sábado o PP de Chantada presentaba a súa candidatura e programa. O candidato a repetir na alcaldía, Manuel Lorenzo Varela, sinalou como un dos obxectivos prioritarios para o próximo mandato a ampliación do solo industrial. Os populares anuncian que se gobernan nos próximos catro anos “quedará totalmente pavimentada en aglomerado asfáltico a rede de estradas do Concello”.

“O novo mandato”, di Manuel Lorenzo Varela, “servirá para rematar a biblioteca e ampliar os espazos administrativos municipais coa rehabilitación do edificio adquirido ao lado da Casa Consistorial.” Aseguran que traballarán para conseguir unha nova zona deportiva, con campo de fútbol e pistas de atletismo

Barreiro apelou na presentación da lista ao voto útil, sinalou “que as papeletas para o PSOE reforzan a Pedro Sánchez e as súas dañinas políticas, que manteñen en total abandono a Chantada, como o demostra o pésimo estado da N-540 e o esquecemento da autovía Lugo-Ourense”.