HomePolíticaAna Pontón visita a Feira do Viño de Vilachá e fala de...

Ana Pontón visita a Feira do Viño de Vilachá e fala de apostar polo sector vitícola e polo rural

"Nunha Galiza na que o 90% do territorio é rural non se entende o futuro se deixamos atrás a maior parte do noso territorio", e referiuse a exercer unha discriminación positiva co medio rural, "por un rural ben conectado en mobilidade e tamén en novas tecnoloxías, que fixe poboación e que sexa atractivo para á mocidade."

Publicado o

POR
Redacción
- Advertisement -

A portavoz nacional, Ana Pontón, visitou esta fin de semana a Feira do Viño de Vilachá, na Pobra do Brollón, que chegaba este ano o seu 30ª aniversario. A cita caracterízase, principalmente, polo lugar onde se desenvolve, o conxunto de adegas centenarias de gran valor histórico e etnográfico. “A denominación de orixe Ribeira Sacra ten uns caldos de excelente calidade pero ademais, esta feira ten a particularidade de celebrarse nun entorno privilexiado, de gran valor etnográfico, histórico e paisaxístico”, indicou Pontón.

O sector vitivinícola é clave no medio rural, pola súa capacidade para xerar riqueza e emprego, pero tamén pola súa capacidade para preservar o territorio, fixar poboación e dinamizar outros sectores económicos como o turismo de calidade. “Trátase dun sector que contribúe decididamente a manter vivo e activo o rural. No Bloque somos capaces de darlles calidade de vida aos concellos, de transformalos en positivo, con dinamismo económico, social e cultural tamén nos pequenos municipios”, declarou a líder nacionalista.

Puxo como modelo Allariz, San Sadurniño, Moeche, Barro, Mazaricos ou A Pobra do Brollón, “ese modelo municipal de éxito é o que queremos estender por todo o rural e por toda Galiza a partir do 28M”.

ÚLTIMAS

Novidosas sinalizacións lumínicas para pasos de cebra no Concello de Monforte

O Concello de Monforte vén de presentar a mellora viaria, con sinalizacións lumínicas en...

A Valedora admite unha queixa por ignorar o Concello de Monforte máis de 8 meses a un aspirante

Lembran desde FAC-USO que o 13/10/2023 convocouse un proceso selectivo para unha praza interina...

Do 27 ao 29 de xullo, festas na parroquia monfortina de Piñeira

O deputado de Mocidade, Daniel García, reuniuse coa Asociación de Festexos de Piñeira, que...

Finalistas da X edición do Concurso de Proxectos Empresariais Semente Ribeira Sacra

A esta X edición do Concurso de Proxectos Empresariais Semente Ribeira Sacra presentáronse 85...