O acto de presentación da candidatura de Por Chantada para as eleccións municipais do 28 de maio está aberto a toda a veciñanza “para reafirmar as nosas credenciais para liderar o próximo Goberno Municipal”; sinala o candidato, Antom Fente Parada.

A formación política que forma parte de Por un Interior Galego Vivo anima á asistencia, “para ter o arroupe de simpatizantes e afiliadas.” Intervirán integrantes da candidatura de Por Chantada, composta por 23 persoas “cuxas credenciais deixan claro que este é un proxecto que ten o traballo, a honestidade e a ilusión como principios irrenunciables,” aseguran.

A candidatura de Por Chantada confórmana 12 mulleres e 11 homes. “Destas 23 persoas 10 residen na vila, como Xavier Viana Álvarez, e 13 nas parroquias rurais, como Olga Otero Gómez. Destaca o equilibrio entre renovación e continuidade na candidatura, que dá idea da vitalidade do proxecto, pois para 12 persoas é a primeira vez, como Manuel Moure Pérez, e 10 xa formaron parte da candidatura de Por Chantada de 2019, como a concelleira, Cruz Fernández Rodríguez”, sinala o candidato.n