O BNG de Monforte presenta un programa electoral en “Lectura Fácil”

En palabras do candidato Emilio Sánchez, “esta iniciativa é un xeito de achegara política a todas as persoas en igualdade de condicións. Ou se goberna para tod@s o non se pode gobernar para ninguén, e unha maneira de gobernar para tod@s é facérmonos entender por tod@s”

BNG Programa Lectura Fácil / BNG

Desde o BNG aseguran que a participación cidadá é o máis importante en política, “Todas as
persoas deben ter acceso á información para votar en conciencia, e para iso é fundamental entender os programas electorais.”

Os nacionalistas afirman que fixeron o seu programa electoral accesible cunha versión “lectura Fácil”. “Ás persoas con diversidade funcional, as maiores, @s migrantes, ou mesmo a veciñanza con baixa comprensión lectora, teñen os mesmos dereitos que calquera outra a acceder á información, porén, é obvio que non sempre teñen as mesmas oportunidades”.

Contando coa axuda dunha persoa con titulación específica, e coa colaboración de veciñ@s con diversidade funcional, este venres presentan o programa do BNG local, neste formato. Estase levando e explicando a diversas asociacións e entidades do concello, para resolver calquera dúbida. Ademais enviarase a calquera persoa ou entidade que o solicite, tanto en formato dixital como en formato físico.

“Esta iniciativa é un xeito de achegar a política a todas as persoas en igualdade de condicións. Ou se goberna para tod@s o non se pode gobernar para ninguén, e unha maneira de gobernar para tod@s é facérmonos entender por tod@s y entender a tod@s,” conclúen.

DEIXAR UN COMENTARIO

Please enter your comment!
Please enter your name here