Aseguran desde Por Chantada que “ao estaren sen facer as gabias das estradas é perigoso, pois nesas estradas e pistas non existen beirarrúas nin sendas peonís, o ancho é menor que noutras vías e é habitual o tránsito de animais domésticos polo que aumenta a perigosidade.”
Insisten nos valados de protección, importantes para evitar saídas de vías e pídenlle ao Goberno municipal que se esforce por coidar un gálibo de 5 metros nas súas estradas “a fin de que maquinaria, autobuses e camións poidan transitar sen perigo, pois as tarefas de poda de arborado deixando libres 5 metros de altura en todo o ancho da vía son unha materia pendente en Chantada tal como no seu día se defendeu através dunha moción sobre as estradas de coberta vexetal (ECV).”
Lembra Por Chantada que hai aínda varias estradas e pistas, que precisaban arranxos urxentes por parte das diferentes administracións, e lamentan que non se teña creado a comisión de infraestruturas que se aprobara en Pleno a instancias de Por Chantada. A este respeecto agardan que a Deputación revise a sinaléctica nos diferentes lugares para ter unha velocidade axeitada e instalar pasos de peóns nalgúns puntos das estradas da súa titularidade.
