Lembran desde a Agrupación Municipal do PP que teñen denunciado nos últimos meses a longa lista de agarda que hai no Concello de Monforte para recibir o Servizo de Axuda no Fogar (SAF). Insisten en que as administracións deben colaborar, “non facer como o goberno local de Monforte que presume de aumentar o orzamento que destinan a este servizo en 50.000€, pero os cartos son cofinanciados entre a Xunta de Galicia e as aportacións dos usuarios”.

Este incremento na partida orzamentaria que se destina ao SAF permitirá reducir a lista de agarda nunhas 10 ou 15 persoas, pero consideran os populares que non é suficiente, “Apoiamos a medida de solicitar máis horas á Xunta de Galicia xa que a lista de agarda neste municipio sempre está en torno ás cen persoas”.

Katy Varela denuncia “o dobre raseiro de medir do goberno de José Tomé, xa que esquece as obrigas do Goberno do Estado mentres afirma sen rubor que o financiamento desde a Xunta de Galicia para este servizo non é suficiente, polo que din que non amplían o número de horas”.