O autoconsumo fotovoltaico é un dos elementos principais dentro do cambio de modelo enerxético que se quere impulsar no Estado. Coa retirada do “imposto solar”, e a redución de trabas legais e administrativas que dificultaban o dereito a producir a nosa propia enerxía, sen taxas de autoconsumo e recoñecéndose as compensacións por excedentes e autoconsumo compartido, “pódense xerar beneficios económicos a longo prazo para os nosos veciños, ao reducir as súas facturas enerxéticas e aumentar a autosuficiencia
enerxética limpa,” apuntan desde o BNG.

Consideran que a exención do ICIO para instalacións solares en tellados non é só unha medida responsable co medio ambiente, senón tamén un investimento no futuro sostible do concello. Destacan que o Estado ratificou diversas directivas europeas que establecen a obriga de implicar ao consumidor no propio sistema eléctrico, pasando de ser un elemento pasivo que recibe un servizo e paga por el, a un elemento que forma parte activa , xerando a súa propia electricidade para autoconsumila ou incorporala á rede eléctrica.