IniciosociedadeFAC-USO denuncia que Monforte ignore no proceso selectivo de TAX ao seu...

FAC-USO denuncia que Monforte ignore no proceso selectivo de TAX ao seu responsable de Administración Local en Galicia

A Federación de Atención á Cidadanía da Unión Sindical Obreira en Galicia (FAC-USO Galicia) denuncia que Monforte de Lemos ignorou, no proceso selectivo para unha praza interina de Técnico de Administración Xeral (TAX), ao seu responsable de Administración Local en Galicia.

Publicado o

POR
Redacción
- Advertisement -

O concello de Monforte convocaba o 13 de outubro a praza de TAX concedendo un prazo de 10 días hábiles para xuntar instancias. Desde FAC-USO aseguran que o seu representante pagou as taxas e rexistrouse telemáticamente, segundo as bases da convocatoria para despois asistir á concentración dos bombeiros dos parques comarcais diante da Deputación da Coruña.

O 3 deste mes o concello de Monforte de Lemos publicaba, nun primeiro anuncio, a listaxe definitiva de admitidos na que non figuraba excluído ningún aspirante e posteriormente o nomeamento do Tribunal. FAC USO amosa a súa estrañeza porque o seu representante non aparece na lista de admitidos, nin na de excluídos, “Non queremos pensar que a omisión do responsable de Administración Local de USO Galicia sexa debida a que, como responsable dese sector, defenda os dereitos dos seus compañeiros e afiliados: xa sexa denunciando que Monforte de Lemos non teña delegado os procesos selectivos da Policía Local na Academia Galega de Seguridade Pública (AGASP) ou apoiando e secundado as protestas dos bombeiros dos parques comarcais de Galicia.”

Desde FAC-USO demanda que, o máis axiña posible, o concello dea explicacións públicas e asuma as responsabilidades correspondentes. Pide ademais que proceda á revisión de oficio do proceso selectivo.

ÚLTIMAS

IGV demanda medidas “ante a crise de produtores de uva na Ribeira Sacra”

Interior Galego Vivo explica que "hai unha crise de excedentes de uva na DO...

O PP de Monforte urxe ao arranxo inmediato de varias rúas

Unha das actuacións ás que se comprometeu o goberno local é o arranxo do...

PP e IGV lamentan que a mellora da N-540 non remate ata 2027

O Partido Popular considera insuficiente o anuncio da adxudicación das obras de rehabilitación do...

5 viaxes ao ano e comidas de 400 persoas, a Asoc. de Pensionista e Xubilados de Pantón segue un plan que funciona

A Asociación de Pensionistas e Xubilados de Pantón fundouse no 2002. Na actualidade conta...