Con representantes da sociedade civil, gandeiras, sanitarias, actrices,…e da política, analizaron as propostas programáticas para o interior rural galego e puxéronse sobre a mesa medidas alternativas, no que a organización considerou unha “xornada moi enriquecedora.”
Desde Interior Galego Vivo inciden novamente na necesidade dun acordo amplo que permita “que en Lugo e Ourense non se perdan votos para poder mudar o goberno da Xunta. A urxencia é total porque o rural desaparece e a demotanasia avanza no medio da mercantilización das vidas e dos territorios.”
Consideran que aínda están a tempo de unirse e emprazan novamente a Sumar Galicia, BNG e PSOE a que establezan canles de diálogo para ese acordo amplo sobre un programa común. IGV comprométese a tentar manter xuntanzas con todos os grupos “trasladando cuestións programáticas e a necesidade de unidade para reverter as políticas predatorias do PP e conseguir a mudanza que permita avanzarmos como país”, conclúen.
Interior Galego Vivo reunión Chantada / IGV
