O BNG reclama con esta convocatoria, a recuperación dos trens-hotel, un servizo de tren nocturno que unía a Galiza con Madrid e Barcelona, así como o que xa foi suprimido previamente que conectaba con Irún. “O BNG entende que o ferrocarril é o medio de transporte do futuro: o máis sustentábel, eficaz, eficiente e ecolóxico. De maneira especial nos traxectos grandes” subliña o deputado nacionalista.
Neste sentido, o Néstor Rego destaca que estas mobilizacións se están a realizar sobre todo “para a recuperación dos servizos ferroviarios nocturnos”. No concreto, continúa o deputado do BNG no Congreso, os trens-hotel que conectan a Galiza con Madrid e Barcelona, cidades habitadas por millares de emigrantes galegos e galegas que empregaban este servizo ferroviario de maneira habitual, entre outros usuarios e usuarias. A este respecto había un compromiso de RENFE asinado en 2021, do que non se volveu saber nada.
“Resulta inconcibíbel”, continúa Néstor Rego, esta situación no Estado español nun contexto onde “tanto a Unión Europea como numerosos estados membros están a potenciar o tren como medio de transporte prioritario”. Estas actuacións están a implicar tamén o “rexurdimento dos trens-hotel nocturnos”. A organización nacionalista entende tamén que os servizos de longa distancia son elementos dinamizadores que vertebran o interior de Galicia
Na mesma dirección que a concentración convocada en Monforte de Lemos, a estación de ferrocarril de Sants en Barcelona tamén foi protagonista na xornada. A emigración galega na capital catalá mobilizouse, xunto co responsábel local do BNG en Monforte de Lemos, Manuel Luaces Fernández, a prol da recuperación deste servizo ferroviario “fundamental para millares de galegos e galegas que están na emigración”.
Manifestación trens nocturnos Barcelona / BNG
deputados polas provincias da Coruña, Lugo, Ourense e Pontevedra, pertencentes ao Grupo Parlamentario Popular no Congreso, ao amparo do disposto no artigo 185 e ss. do Regulamento da Cámara, presentan a seguinte pregunta ao Goberno, da que desexa obter resposta por escrito.
Os deputados galegos do PP preguntan ao Goberno se ten previsto recuperar os trens nocturnos de longa distancia
Cando se suprimiros os servizos, Renfe aseguraba “Os servizos que se ofertaban antes da pandemia poderán ir restablecéndose paulatinamente, pero é preciso que a situación sanitaria normalícese, e que se estude adecuadamente a demanda para adaptar a ela a oferta para realizar.”
Os populares insisten en que máis de tres anos despois daquela resposta, RENFE non procedeu a repoñer ningún dos dous trens hotel. E as últimas manifestacións gobernamentais son que non existe previsión respecto a a reposición do “produto TrenHotel”.
“Entendemos que é o momento de que Renfe siga a senda de Europa e tome decisións en orde a recuperar os trens nocturnos suprimidos e en particular os de comunicación de Galicia con Barcelona e Madrid”, sinalan desde o PP, que pregunta “Ten previsto o Goberno recuperar os trens nocturnos de longa distancia operados por RENFE que conectaban ata a chegada da pandemia do Covid-19, as cidades e pobos de Galicia con Barcelona e Madrid?”
Diputados Congreso PP / PP Provincial
