O Concello de Pantón celebra este sábado, 21 de febreiro, o seu desfile de comparsas e disfraces. Son 50 os inscritos entre comparsas e disfraces individuais polo que se espera superar a participación de anos anteriores que sempre foi moi elevada. Este ano o Desfile encabezarano os traxes tradicionais do Entroido de Budián.
A Casa da Cultura de Pantón acolle desde este 20 de febreiro ata o 23 de marzo, a exposición Nós tamén fomos emigrantes. A mostra ofrece retratos próximos que narran as circunstancias vitais da xeración das nosas nais e pais e tamén de avós e avoas, que abandonaron a súa terra na procura dun futuro mellor. Pode visitarse de luns a venres en horario de 10:00h a 20:00h e os sábados de 10:00h a 14:00h. Cando se visite a mostra pódense deixar doazóns de alimentos non perecedoiros.
O Concello de Pantón tamén propón unha nova cita do programa “Por que nos xuntamos os homes?” Celebrarase o cuarto encontro na Casa da Cultura de Ferreira, este martes, 24 de febreiro, ás 20:00h.
