Esperta Monforte lembra que o servizo da piscina municipal leva máis de dous anos entregado a Tragsa á espera dunha plica e que alcalde aseguraba hai un ano no pleno que el era o máximo responsable de indicar cando facer dita plica.
En canto aos pregos, Esperta Monforte solicita facer as xestións necesarias para volver a realizar cursos de monitor de tempo libre, tal como se facían hai máis de catro anos desde o concello en colaboración coa cruz vermella.
Tamén piden poñerse en contacto coa compañía que corresponda para retirar os cables e os paos da luz no medio da estrada da rúa Tecelanes.
Ás preguntas refírense á cafetería do centro cívico do malecón e ao parque de bombeiros de Monforte. No primeiro caso queren saber se hai previsións de realizar investimentos na remodelación, reparación ou substitución do mobiliario da cafetería do centro cívico, “despois de 8 anos aberta e con cadeiras rotas, desgastadas e falta de pintura”.
Por outro lado preguntan que ten previsto facer o alcalde e presidente da Deputación e do consorcio provincial de bombeiros ante a crítica situación que padece Monforte cada vez que o parque de bombeiros monfortino permanece pechado.