A popular, que visitou Pantón acompañada polo alcalde, José Luís Álvarez e o director xeral de Maiores e Atención Sociosanitaria, Antón Acevedo, puxo en valor a implantación do Bono Coidado no Fogar, unha axuda directa para contribuír a sufragar gastos das persoas en situación de dependencia para que poidan ser atendidas no seu entorno.

Son un total de 5.000 euros ao ano os que achega a Xunta, o que supón 416 euros ao mes. De feito, neste mes de xaneiro “os beneficiarios xa cobraron a cantidade correspondente ao mes de decembro”. Na zona sur da provincia, nos concellos das comarcas de Quiroga, Lemos e Chantada son 381 as persoas beneficiarias.

O Partido Popular de Galicia asegura que traballa pola universalización dos coidados e que o Goberno galego está a avanzar nese sentido: xa deu os primeiros pasos coa ampliación e extensión do bono de coidado no fogar e o reforzo do bono para residencia, “O programa de goberno para os vindeiros catro anos recolle un incremento do bono coidado no fogar para dependentes menores de 25 anos con grandes necesidades”.