Miguel Tomé destacou que o partido socialista estaba comprometido coa cohesión teritorial e puxo como exemplo a LU-P-2901 entre Lugo e Guntín que foi reparada recentemente pola Deputación de Lugo cun investimento que superou os 250.000€. “Esta vía comunica núcleos rurais, dá acceso ás explotacións agrarias, algo moi importante para manter unha actividade económica fundamental para a xestión do territorio e a conservación do patrimonio natural que ademais garante o desenvolvemento rural e xeran emprego estable, diversificado e de boa calidade”, valorou. O socialista trasladou o compromiso do seu partido e de Besteiro con seguir mellorando a rede viaria de toda Galicia “porque creemos na cohesión territorial para conseguir esa cohesión social tan necesaria na comunidade autónoma”.
Asegurou Tomé que “Besteiro na Xunta desbloqueará obras estratéxicas e completará o mapa de infraestruturas da provincia e de Galicia”.
Na cooperativa de Vilamaior de Negral, Miguel Tomé sinalou tamén que Besteiro impulsará na Xunta de Galicia medidas de apoio á renda da mocidade que se incorpore ao sector agrogandeiro para garantir o relevo xeracional e a necesidade de que se tomen medidas urxentes para preservar unha actividade económica “fundamental para a xestión do territorio e a conservación do patrimonio natural, que garante ademais o desenvolvemento rural e xeran emprego estable, diversificado e de boa calidade”.
