HomePolíticaO PP pide a reparación da estrada provincial LU-P-5301 no casco urbano...

O PP pide a reparación da estrada provincial LU-P-5301 no casco urbano de San Clodio

O Grupo Provincial Popular pídelle ao goberno provincial reparar a estrada LU-P-5301 nunha zona próxima a unha curva pronunciada e en pendente no casco urbano de San Clodio, en Ribas de Sil debido ao seu “perigoso estado”.

Publicado o

POR
Redacción
- Advertisement -

O portavoz, Antonio Ameijide, a viceportavoz, Carmen José López, e o deputado da zona sur, Luis Fernández Guitián, comprobaron in situ que “xa non hai pavimento e a capa de rodadura desta estrada provincial vaise desfacendo dende fai semanas, e cada vez máis, polo efecto da auga”. Ademais, “ao coincidir cunha pequena pendente descendente, os vehículos tenden a frear arrastrando a grava e o firme de terra que quedou agora descuberto”.

O portavoz cre que “convén actuar canto antes para evitar que a situación empeore e que poida supoñer un perigo para os condutores dos vehículos ou para os peóns que transiten pola zona”; pero non sen antes  “revisar as tubaxes de canalización de augas na zona para comprobar que dispoñen de suficiente capacidade e non afectan á estrada provincial”.

Os deputados escoitaron esta demanda trasladada polo Grupo Municipal Popular que encabeza Sandra Macía e que “supón unha queixa máis en relación ao mal estado que presenta na provincia a rede viaria da Deputación de Lugo”. Nese sentido, Ameijide “convida ao goberno provincial a atender as peticións dos veciños e levar a cabo unha planificación para a revisión e mellora, nos casos que sexa preciso, das estradas provinciais nos distintos concellos da provincia que permita garantir a seguridade dos seus usuarios”.

O popular explica que “esta rede viaria é moi empregada por tódolos lucenses nos seus desprazamentos diarios e constitúen vías de comunicación fundamentais”. Ademais, incide en que “foi un goberno do Partido Popular na Deputación de Lugo o que construíu as estradas para dar servizo aos veciños e permitir o desenvolvemento da provincia”.

Os deputados populares continúan visitando os distintos municipios para coñecer de preto as demandas que trasladan os veciños, alcaldes e portavoces en relación aos asuntos que son competencia da Deputación de Lugo.

ÚLTIMAS

Ferran Centelles: “Delicadeza é o que falta historicamente en España e a Ribeira Sacra ten o potencial de ofrecer eses viños”

Esta cata forma parte dos esforzos da Denominación de Orixe Ribeira Sacra para destacar...

O IES A Pinguela, único instituto de Galicia con FP de calzado e complementos de moda

Do encontro participou o profesorado do IES A Pinguela con empresarios monfortinos do sector...

O 30 de xuño o colexio de Sober celebra o 50 aniversario cun xantar de confraternidade

Ao longo deste medio século de vida teñen pasado polo centro máis de 1.270...

Próximas xuntanzas das Comunidades de Aprendizaxe “Montes de Saberes”

Nestes encontros debaterase e realizarase unha folla de roteiro para que as Comunidades de...