HomePolíticaKaty Varela asegura que Tomé confirmou que "non se mellorará o saneamento...

Katy Varela asegura que Tomé confirmou que “non se mellorará o saneamento da Compañía”

Katy Varela explica que o alcalde de Monforte confirmou que a obra de mellora do saneamento “tantas veces anunciada na Compañía non se podía realizar por dificultades técnicas. É un experto en maquillaxe pero á hora da verdade non soluciona os problemas básicos dos monfortinos”.

Publicado o

POR
Redacción
- Advertisement -

“Maquillar Monforte é o verdadeiro lema que guía a José Tomé na alcaldía, preocupado por botar asfalto por enriba do asfalto”, a voceira popular, Katy Varela, anuncia un novo exemplo do abandono de Tomé polos servizos básicos para os monfortinos, xa que vén de coñecerse que a anunciada mellora do saneamento na Compañía non se realizará.

Dende a bancada popular entenden que un bo xestor debería preocuparse por mellorar todos os servizos para os seus veciños, non só de asfaltar. Neste senso explican que “non criticamos que se mellore o asfaltado das rúas, pero cando se vaia a realizar esa actuación se melloren tamén as canalizacións existentes para facer unha actuación global que mellore todos os servizos”.

Para os populares esta actuación “é prioritaria” por ser unha zona con inundacións constantes polo mal estado dos sumidoiros”. “Unha actuación de mellora que non se realizará e que José Tomé tentou agochar anunciando os cambios de actuacións no convenio coa Confederación Hidrográfica Miño-Sil por mor dunha incidencia no cruce do Rego de Arraxo coa Rúa Morín, ante a necesidade de arranxar os tubaxes deteriorados nese punto”, explican os populares.

Katy Varela afirma que José Tomé debe tomarse “en serio o problema do saneamento e o abastecemento en Monforte, máis cando os problemas de roturas de tubaxes e cortes de auga é frecuente”. Ante esta situación, o PP preguntará no pleno que ten pensado facer o goberno local co problema do colector da Compañía.

ÚLTIMAS

5 piragüistas do Quixós convocados para o Europeo de Suiza

Este xoves, 20 de xullo, a Real Federación Española de Piragüismo deu a coñecer...

As Festas de San Xoán de Sarria máis inclusivas

Falamos con María Eugenia Valcárcel López, concelleira de Festas no Concello de Sarria, para...

Vasoira de Platino para Monforte pola implantación do Plan de xestión da materia orgánica

A cidade de Monforte de Lemos recibiu un galardón que se lle concede ás...

O PP pide á Deputación que inste a Adif a reparar os danos ocasionados nas estradas provinciais de Sober e Pantón

Os deputados provinciais Antonio Ameijide e Luis Fernández comprobaron os numerosos danos producidos en...