HomePolíticaPrazo aberto para solicitar as axudas para a creación de novas casas...

Prazo aberto para solicitar as axudas para a creación de novas casas do maior

A deputada do Grupo Popular, Raquel Arias, visitou esta semana no concello do Incio unha das casas do maior existente neste municipio lucense e informou que desde o día 24 se poden solicitar as axudas da Xunta para a apertura de novos establecementos deste tipo.

Publicado o

POR
Redacción
- Advertisement -

Como novidade, esta nova convocatoria inclúe unha axuda complementaria de 150 euros semanais durante o período de baixa por maternidade ou paternidade da persoa que se encarga deste servizo.

Raquel Arias puxo de relevo que as casas do maior son “unha clara aposta do Goberno de Alfonso Rueda pola conciliación e polo avellentamento activo no rural galego, ademais de facilitar a creación de postos de traballo no rural e asentar a poboación nos concellos máis pequenos”.

En concreto, as casas do maior son un servizo gratuíto de atención diurna ás persoas maiores de 60 anos, sen dependencia ou con grao I, empadroadas nun concello de menos de 5.600 habitantes. Neste momento, Galicia conta con 123 casas distribuídas por toda a xeografía galega, das que 7 están localizadas no sur da provincia de Lugo: unha en Folgoso do Courel, dúas no Incio, unha en Taboada e tres no Saviñao.

A deputada popular animou a solicitar as axudas para a creación de novas casas do maior ao abeiro da orde da Consellería de Política Social e Igualdade publicada este 24 de maio no Diario Oficial de Galicia, cun orzamento total de 1,3 millóns de euros. Ademais da axuda para o financiamento destes centros, a Xunta financia as obras de adecuación dos espazos, ata un máximo de 15.000 euros por actuación.

ÚLTIMAS

27 de xuño de Portas Abertas no servizo de atención temperá de Quiroga

Dende o Servizo de Atención Temperá tiveron a iniciativa de reunir a todos/as os...

Monforte acolle o Campus Internacional Ucraíno de Verán de Ximnasia Rítmica do 24 ó 28 de xuño

O programa de contidos do Campus contará con sesións de aprendizaxe, masterclass internacional e...

“Nin un só día sen médico e unha lei de alta montaña”, pide Courel Vivo ao pleno

O concello do Incio está situado nunha zona de montaña cunhas intensas características orográficas...

O Colectivo Vermut ‘ao rescate’ do San Xoán dos Chaos, en Monforte

Moitas celebracións populares van a menos, e incluso pérdense, por falta de relevo xeracional....