InicioPolíticaMelloras en estradas e na recollida do lixo, demandas do BNG de...

Melloras en estradas e na recollida do lixo, demandas do BNG de Monforte

O BNG de Monforte solicítalle ao goberno municipal o arranxo da vía que une a A Vide coa antiga N-120 e que se acabe cos problemas que teñen co lixo, as empresas da periferia da cidade.

Publicado o

- Advertisement -

Os nacionalistas de Monforte aseguran que hai moitas empresas que desenvolven a súa actividade na periferia da cidade, que pagan unha taxa na recollida do lixo como actividade industrial en función da cantidade que xeran. Segundo o BNG hai unha descompensación entre o que pagan e o servizo que se lles dá porque as recollidas dos contenedores son insuficientes. Nesta siutación, o BNG presenta un rogo ó Goberno Municipal para que tome as medidas axeitadas para solucionar o problema.

O BNG propón a dotación dun maior número de contedores, que os xa existentes sexan substituídos por outros de maior tamaño ou que o baleirado se realice con maior frecuencia.

En canto á estrada que une A Vide coa antiga N-120, pídendelle ao goberno municipal que se arranxe o pavimento, que está moi deteriorado e se proceda ó acondicioado das beirarrúas para que poidan ser empregadas polos viandantes con total seguridade. O BNG propón que se aproveite a reparación prevista noutra vía que une a N-120 coa ponte de Piñeira para facer esta actuación.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...