HomePolíticaMaceda pregúntalle ao PP da Pobra do Brollón se está en contra...

Maceda pregúntalle ao PP da Pobra do Brollón se está en contra dos investimentos da Deputación no concello

O alcalde da Pobra do Brollón Xosé Lois Maceda pide ao grupo municipal do Partido Popular ‘que aclare se está en contra de que a Deputación de Lugo invista neste concello’. O alcalde demanda aos populares locais un posicionamento despois de que o seu portavoz provincial, Antonio Ameijide, criticara o convenio entre o Concello e a área de Rural para adquirir un todoterreo para dar servizo e atender as zonas rurais.

Publicado o

POR
Redacción
- Advertisement -

O Concello da Pobra do Brollón e a área de Rural da Vicepresidencia da Deputación de Lugo asinaron un convenio de colaboración de 92.000 euros para financiar a adquisición dun vehículo todoterreo novo, que estará ao servizo do persoal municipal para os desprazamentos e tarefas relacionados con servizos e infraestruturas do Concello nas parroquias rurais, como o control do alumeado público, os servizos de abastecemento de auga e saneamento, a recollida de residuos ou a atención a edificios e espazos municipais.

‘Non é un vehículo para uso do alcalde ou das concelleiras, como suxiren as declaracións demagóxicas do portavoz do Partido Popular na Deputación, senón un todoterreo que utilizará o persoal municipal para atender servizos fundamentais como o alumeado, o abastecemento de auga ou o funcionamento de espazos públicos. O Partido Popular da Pobra do Brollón debería explicar ás veciñas e veciños que pensa das declaracións do seu portavoz provincial e se quere ou non que a Deputación de Lugo invista neste concello’, incidiu o alcalde, Xosé Lois Maceda.

O novo vehículo incorporarase ao parque de vehículos e maquinaria municipal, que xa fora ampliado con outras colaboracións da área de Rural nos últimos anos, como a adquisición dun tractor de segunda man, unha rozadoira e diversos aparellos manuais para realizar labores de limpeza e mantemento.

ÚLTIMAS

5 piragüistas do Quixós convocados para o Europeo de Suiza

Este xoves, 20 de xullo, a Real Federación Española de Piragüismo deu a coñecer...

As Festas de San Xoán de Sarria máis inclusivas

Falamos con María Eugenia Valcárcel López, concelleira de Festas no Concello de Sarria, para...

Vasoira de Platino para Monforte pola implantación do Plan de xestión da materia orgánica

A cidade de Monforte de Lemos recibiu un galardón que se lle concede ás...

O PP pide á Deputación que inste a Adif a reparar os danos ocasionados nas estradas provinciais de Sober e Pantón

Os deputados provinciais Antonio Ameijide e Luis Fernández comprobaron os numerosos danos producidos en...