Esperta Monforte leva ao pleno deste luns unha moción para dotar dunha zona de piscinas ao aire libre á cidade do Cabe. Aseguran desde Esperta Monforte que a cidade non conta con zonas habilitadas para o baño por cuestións de verquidos e salubridade da auga polo que “moitos veciños peregrinan a núcleos próximos para gozar de piscinas municipais a prezos asequibles”.
“Non estamos en contra da construción do megaproxecto de Ribas Altas, pero entendemos que son necesarias unhas piscinas ao aire libre. Podemos ter este megaproxecto rematado e non ter un certificado de idoneidade da auga para o baño nesta zona”, conclúen desde Esperta.
Lembran desde a formación política que a Unidade Municipal de Drogodependencias de Monforte leva máis de tres anos sen cubrir a praza de psiquiatra e desde maio deste ano súmase a da psicóloga.
Así Esperta Monforte presenta unha moción para instar á Xunta a que asuma a competencia da Unidade Asistencia de Drogodependencias de Monforte e na pide contratar á maior brevidade posible un psiquiatra e un psicólogo para este servizo.
