A voceira popular, Katy Varela, insistiu na necesidade de limpar a rede de sumidoiros de Monforte durante o verán para que, no caso de que cheguen fortes treboadas non haxa ningún obstáculo que os tapone e así poidan evacuar correctamente a auga.
Uns traballos que se deberían de realizar periodicamente pero que “semella non sucede así” polo que “seguramente será máis complicado de realizar se o goberno local segue a deixar pasar o tempo. A realidade é que da rede de sumidoiros emanan moitas veces cheiros desagradables polo que todo apunta a que hai moito tempo que non se realiza a limpeza”, apunta Varela.
Katy Varela explica que tamén se reiterou a necesidade de retirar o cartel que o goberno local colocou na Compañía e no que se anuncian unhas obras que o propio José Tomé xa anunciou que “non se van a realizar. Deixan o cartel para tentar enganar aos veciños, pero a realidade é que non se van a investir os 1.729.453€ anunciados”, recordou.
