Os nacionalistas aseguran que levan meses rexistrando peticións no Concello e na Deputación para emprazar a ambos os gobernos a cumprir coas obrigas que teñen de manter a rede viaria en condicións de seguridade, pero “o concello de Pantón leva sen convocarnos a Pleno dende abril, e a Deputación debeu esquecer que Pantón é un municipio que pertence á provincia de Lugo, estamos en outubro e non se rozou de maneira integral ningunha estrada provincial no municipio de Pantón” lembran dende o BNG de Pantón.

Os nacionalistas amosan o desgusto e a sorpresa polo “maltrato que reciben” do ente provincial en materia de estradas. “Facemos un chamamento especial ao Presidente da Deputación, que é o responsable de Vías e Obras, para que o Departamento que dirixe cumpra coa poboación da provincia de Lugo, no concreto coa de Pantón porque non falamos de estética, falamos de seguridade vial e de calidade de vida. Estamos en Outono e os arredores seguen sen rozarse, intolerable”, conclúe Rosana Prieto.